ليه البنات بتعمل فينا كدة ......... سؤال مهم ؟

بص يا برنس أولا مش كل البنات زي بعضها لأن صوابع إيديك مش زي بعضها
والدنيا فيها كتير فيها بنات زي أنت ما قولت
وفيها بنات يبينوا حبهم للي بيحبوا لاكن هو اللي بيتكبر ويطلع فيها ويحسسك أنه فلانتينوا باشا
متعرفش إية السبب يعني لازم الولد يفهم البنت اللي قدامة ولازم هيا كمان تفهمة
غير كدة مش هيعرفوا بعض ولا هيعرفوا يتعاملوا مع بعض
وفيها إية لما الأتنين يكونوا واضحين مع بعض بدل موضوع التقل والهبل دة
والولد يقول لصاحبة أتقل عليها علشان تعرف هيا بتحبك ولا لأأة
لبنت مامتها تقولها أتقلي عليه علشان ميفتكرش أنيك مدلوقة علية
والهيل دة
أخيرا شكرا يا برنس علي الموضوع دة

اولا شكرا على الموضوع يا برنس
ثانيا بص طبيعه اى بنت انهابتحب تدلع على اللى بتحبوا بتحب تعرف قيمتها عندوا
وزى ما البرنسيسه قالت ان فى ولاد لما يبان انالبنت بتحبهم بيسوقوا فبها واحيانا بيبقى علاجهم بنت يحبوها ويموتوا فيها ويروحوا يقوللها وتضربهم بالالم فيفواقوا
وشكرا للمره التانيه على الموضوع

اولا بشكرك جداعلى الموضوع الجامد كعادتك
ثانيا انا شايفة ان مش كتير بنات بيتقلوا بالعكس انا الى اعرفه ان الولد هو الى بيتقل مع ان دة مش صح خالص
لان دايما البنت بتبقى مستنية ان الولد يقولها انه بيحبها فلما بيبان انه بيتقل عليها هى كمان بتتقل
وكل واحد فيهم يفتكر ان مفيش زيه وكدة
بس بصراحة البنت دايما بتبقى عايزة تعرف الولد دة بيحبها ولالا ولما بيتقل هى كمان طبيعى انها تتقل
وعلى فكرة البنات مهما بيحاولوا يخبوا حبهم مش بيعرفو وبيكشفو فى الاخر انما لما ولد يبقى تقيل بتبقى تناحة منه

وشكرا على الموضوع

فى كل حاجة فى الوحش والحلو
وفى طبعا بنات كدة
وبعدين انت المفروض تحب واحدة بعد ماتعرف دماغها وشخصيتها كويس
مش اى واحدة تافهة تحبها وبعدين بيبان هى بتحبك بجد ولا

AL Prince كتب:

بس فى بنات تحب تتقلعى الصبيان عشان تسمع منو كلمه بحبك وبس
و بعد كده متشفش البنت دى تانى

هى كده عرفت انها حلوه
و مادام فى واحد حبها يبقى فى تانى كتير

وهى بتسلا مش خصرانه حاجه
ولا انتو ايه رايكو

أولا مش فاهمة الجمل دي (( في نات تحب تتقلعي الصبيان ))
ثانيا بالنسبة للنوع دة هو متوفر في السوق كتييييييير
ومش بنات بس الاكتر موجود في الأولاد
والعيب مش علي الولد اللي ضحك علي البنت أو العكس
لأ العيب علي البنت انها مفمتهوش أو الولد اللي مفهمش زي ما تيتوس قالت دماغ البنت دي
لازم تفهمها وتعرف البنت دي حبيت قبل كدة ولا لأة
تعرف شخصيتها عن طريق صحباتها أنها من النوع اللي هيا بتضحك علي الولاد والحكاية دي
ولا تكون بتحبك بجد ومش بتفكر في الحوار الفاشل دة
وشكرا

( فى بنات تحب تتقل على الصبيان )

ماشى
انا كنت عاوز اعرف ازاى البنت دى بتحبنى او مشبتحبى من تصرفتها
من غير مسال حد عليها

ممكن تقلولى

بص هو المفروض انت هتحس من تصرفاتها وطريقة كلامها معاك
ولو معرفتش يبقى تسألها هى بتحب ولالا وبعد كدة تحاول تقرب منها وتعرف هى بتحبك ولا

وبععدين انت عايز تعرف هى بتحبك ولالا ليه وانت شكلك كدة مش هتقولها انك بتحبها؟

انا عايزة اقولك اصلا هى لو بتحبك اكيد هتلاقى طريقة تعاملة معاك احسن بكتير من طريقة تعاملها مع الاخرين
اما بقة لو ما بتحبكش هتعملك زيك زى الناس وبعدين
البنات طول عمرهم تقال لان مينفعش البنت تيجى تقول للولد انا بحبك
وبعدين فى الزمن دة مابقاش فى حاجة اسمها حب بجد ولو كان فية يبقى اكيد وسط الصراعات اللى الناس فيها اكيد هيفشلان كل واحد بيقول يلا نفسى

إية اليأس دة يا جماعة
علي فكرة مش كل الناس مبيحبوش بجد
ي ناس قلبها أبيض وطيبين بمعني أصح هبل
هما دول اللي بيحبوا بجد وفي ناس بتحب اللوعة والكلام دة كلة اللي لا بيودي ولا بيجيب
وبعدين يا برنس كلمها عن الحب وأعرفها إية رأيها أسألها هيا بتحب ولا لأة
لو بتحب حد غيرك
ممكن تحكيلك علية
لاكن لو بتحبك أنت هتمتنع عن الرد

klamk s7

عايزين رأييك يا زياد في الموضوع دة

انا الي اعرفه ولي شيفه ان البنات مش كدا خالص

انا رايي رايين زي ما سؤالك يحتمل اتنين

اولا وهو بسيط جدا

الي شايفه او شايف انه موقف الدنيا علي كلمه منه

"يبقي دا واخد(ة) مقلب في نفسه(ا) جامد "

ثانيا

بالنسبه للحبيبه

انا علي ما اظن يكون يبقي في تقل بين الاتنين بس بعقل

عشان كل واحد يتاكد من شعور التاني ليــه

ودا بالنسبه للبت بوجه خاص عشان مينفعش بنت تروح تقول اني بحبك وترمي نفسها بلاش ترمي نفسها توقع نفسها في غلطه هتندم عليها بقيه عمرها

التقل للولاد ممكن يكون ميسالش مرة اتنين يستني لما هي تتصل

لما يحصل مقلا خناقه بينهم وهي السبب ميتصالحش هو الاول عشان تيجلو هيا لو هيا عايزاه .. كدا يعني

انا رايي ان يبقي في تقل لكن بعقل

ومشكور يا معلم علي الموضوع دا

الما يحصل مقلا خناقه بينهم وهي السبب ميتصالحش هو الاول عشان تيجلو هيا لو هيا عايزاه .. كدا يعني

لكلام دة كلة غلط يا دارك
علي فكرة لو كل الولاد فكرت كدة يبقي الدنيا هتخرب

انا لى وجهتين نظر

الاولى من منظور المجتمعات الغربية وهى

ان الاولاد ممكن هما يكونوا عادى جدا واخدين الموضوع ايزى خالص مش فارقة معاهم لكن البنت بتحب تتقل بس مش كتير يعنى تيجى من تانى مرة وفى النهاية بتستمر الحكاية والطرفين بينسوا حكاية التقل دى ويتنقلوا لمرحلة الاختبار عشان يشوفوا التلائم بينهم وبين بعض ومبيهتموش برأى الناس لأن الناس حواليهم كدة عادى واخدين اى قصة حب كمثال للرقة والرومانسية ودلالة على ان الدنيا بخير

اما الثانية من منظور المجتمعات الشرقية وهى

ان الموضوع لازم يمون فيه تقل شوية لأن الناس حواليهم مش هايخدوا الموضوع ببساطة وهيتطريق الموضوع على دماغهم فتلاقى حتة التقل دى لغاية مييجى الولد ويدخل البيت من بابه زى مابيقولوا وساعتها يتخطبوا وبعدها موضوع التق ده بيروح تماما لأنهم دلوقتى لا خايفين من ناس ولا من آرائهم


ففى النهاية احنا هنا التقل ده عشان آراء الناس ودينا فى مجتمعاتنا الشرقية
لكن برة مافيش تقل لأنهم ماعندهمش دين والناس حواليهم كدة فده حافز تانى ليهم

كلامك حلو يا لونلي

ميرسى ليك يا برنسيسة

العفو

انا عن نفسى اعرف ان الولد بيحب البنت الا بتتقل عليه وعلى فكرة البنات بتعمل كدة علشان تحس بقيمتها بس من جواها نفسها تقلو بحبك ..........................................................الخ

عندك حق يا نياى