الحلقة التالته والرابعة من يوميات شاب صعيدى

نور:احمد انت خلصت المحاضرة

احمد:لا انا لسة فى اول صفحة مش عارف اجرا الكلمة دى

نور قرت الكلمة

نور:اوكى كمل انا هستناك

احمد:لالا انتى لازم تروحى دلوجتى انتى اتاخرتى اوى

نور:طيب والمحاضرة

احمد:تتحرج المحاضرة

احمد:ممكن اوصلك لحد الباب..والله لحد الباب بس

نور:اوكى اوكى مفيها ش حاجة اتفضل

نور:تعرف انك.....

احمد :انى ايه؟

نور:طيب اوووى

احمد :وانتى انسانة محترمة اه محترمة بجد

نور:ميرسى

احمد:يلهوى يانى انا مانجلتش المحاضرة بتاعة انهاردة

نور:ميرسى يا احمد على التوصيلة الجميلة دى

احمد:انتى رايحة فييييييين
المحاضرة المحاضرة المحاضرة

الحلقة الرابعة

احمد مأجر شقة مفروشة وساكن فيها لفترة الدراسة
صحى احمد على صوت الباب بيخبط

هاى انا جارتك الى ساكنة قصادى

احمد:طيب وانا اعمل ايه يعنى جارتى ولا مش جارتى

جارته:تؤ طيب قول صباح الخير..صباح النور..صباح الى بتغنى

احمد:يافتاح يا عليم يا رزاق يا كريم..يادى النيلة..انتى عايزة منى ايه دلوقت

جارته:انا؟؟

احمد:امال امى

جارته:انت عصبى ليه..كل شىء بالتفاهم والهدوء اعملك نسكافيه يهدى اعصابك

احمد:متشكر يا ستى خالص عايزة ايه منى انا ورايا جامعة

جارته:عندك حبة شطة

احمد:هاا جلتى عاوزة ايه؟

جارته:شطة شطة الى تخلى الاكل يولع

احمد:لا انا مش بحب اولع عن اذنك
وقفل الباب ولبس بسرعة ونزل
ركب الاتوبيس

احمد:الاجرة بكام لو سمحت يااخينا

شاب:هههههههههههه ايه اخينا دى دى كلمة قديمة اوى

احمد:ماشى ياعم الجديد ..بكام الاجرة

الكمثرى:بجنيه وبريزة يا كابتن

احمد:اشمعنا بريزة يعنى

الكمثرى:حكومة تقدر تتكلم

المهم احمد نزل وبيجررررررررى خبط فى واحدة والعصير وقع عليها

البنت:انت غبى انت مابتشوفش

احمد:هششششششششششش

البنت:انت قليل الادب ومش محترم كمان

احمد:هسسسسسسسسسس
انا ورايا محاضرة مش فاضيلك ..خدى منديل اهو

البنت:انا هوريلك انا لازم اربيك
ياعمرو يا هيثم ياوائل

عمرو :انت مالك بيها يا تحفة

هيثم:انت لازم تتربى كويس

وائل:مش هتروح سليم انهاردة

نور لمحت الخناقة من بعيد
نور:احمد احمد فى ايه

احمد:ابعدى انتى دةطار قديم ويخلص انهاردة

نور:احمد دى جامعة انت ممكن تتفصل

احمد:ومحضرش محاضرات تانى

نور:ايوة انا هروح انده الامن

احمد:هتندهى الامن يشيلو جثتى ولا ايه

المشكلة اتحلت والحمد لله

احمد:متشكر جوى يا نور

نور:العفو دة اقل واجب

احمد:انتى عملتى الواجب صح

نور:واجب ايه هو احنا فى مدرسة

احمد :اصلها فاكرانى فى مدرسة

نور:هى مين

احمد:الى عاوزة الشطة

نور:انا مش فاهمة حاجة

احمد:ههههههههههههههه

نور:ههههههههههههههههه

تعرف ان دمك خفيف اوى

احمد:ربنا يخليكى انا مش بجدر ععلى الكلام دة

نور:كلام ايه

احمد:ايوة دمى خفيف وحلو ومسمسم وكلام الكبير دة

نور:هههههههههههههههه

المحاضرة هتبتدى يااحمد يلا نحضر

احمد:ماتيجى نتمشى شوية فى الحديجة

نور:بجد ..طيب يلا

احمد:آل حديجةآل يلا يا هانم على المحاضرة انا حجزلك جنبى

ونكمل الحلقة الجاية